ఇండియన్ ఎయిర్ ఫోర్స్ కొత్త చీఫ్ గా ఆర్కేఎస్ భదౌరియా నియామకం
- ప్రస్తుతం ఎయిర్ ఫోర్స్ వైస్ చీఫ్ గా ఉన్న భదౌరియా
- కొత్త చీఫ్ గా నియమిస్తూ కేంద్రం ఉత్తర్వులు
- ఈ నెల 30న బాధ్యతలు స్వీకరించనున్న భదౌరియా
ఇండియన్ ఎయిర్ ఫోర్స్ కొత్త చీఫ్ గా ఆర్కేఎస్ భదౌరియాను నియమించారు. ఈ మేరకు కేంద్ర ప్రభుత్వం ఈరోజు ఉత్తర్వులు జారీ చేసింది. ప్రస్తుతం ఎయిర్ ఫోర్స్ వైస్ చీఫ్ గా ఆయన ఉన్నారు. ఈ నెల 30న వాయుసేన కొత్త చీఫ్ గా ఆయన బాధ్యతలు స్వీకరించనున్నారు. కాగా, ప్రస్తుతం ఎయిర్ ఫోర్స్ చీఫ్ గా ఉన్న బీఎస్ ధనోవా పదవీకాలం ఈ నెల 30తో ముగియనుంది. అయితే, అదే రోజున వైస్ చీఫ్ భదౌరియా పదవీకాలం కూడా ముగియనుంది. కానీ, ఆయన సర్వీసును మూడేళ్లు పెంచుతూ కేంద్రం నిర్ణయం తీసుకుని, కొత్త చీఫ్ గా నియమించింది.
